EP57: Meaning and Logic المعنى والمنطق

“تحذير .. القصة التالية تحتوي على أوصاف دموية”

تخيلي انك طالبة في الجامعة، تطوعتى للعمل في مركز تنظيم الأسرة في مدينتك. كنتى دائما من المدافعين عن المرأة، وحقها في تقرير مصيرها. قبل سنوات بعد عناء وصراع عدة سنوات في زواج لم ينجح، بعد انتهاء إجراءات الطلاق اكتشفتي انك حامل، لانك كنتى كرهتى اى شئ من الممكن ان يربطك مرة اخرى بزوجك السابق، قررتى انك تتخلصى من الحمل. في اليوم المحدد بتذهبى لعيادة تنظيم الاسرة بعد التشخيص، بتدفعي المبلغ المحدد ويعطوكي حبوب عقار ميفيبريستون Mifepristone .. دواء يعطى عن طريق الفم بغرض اجهاض في العشر اسابيع الاولى. الممرضة بتخبرك وهى بتعد النقود، بعد أخذ الدواء ستشعرى بتقلصات وهناك احتمال حدوث بعض النزف. في نفس الليلة بعد ان اخذتى الدواء بتدخلي في نوبة من الألم والتقلصات الحادة، نزيف مهبلي شديد، وتجلطات دموية، بتفقدى الوعي وسط بركة من الدماء وانتى بتبكي من الآلام. لما تتصلى بالممرضة بتخبرك انى دى كلها أعراض طبيعية ومتوقعة، بتستمر الأعراض لعدة أسابيع قبل أن تتوقف تماما وينتهى هذا الفصل القاسي من حياتك.  التجربة القاسية دى في حياتك لم تمنعك من التطوع للعمل في نفس العيادة بعد عدة سنوات. الجملة اللى قالتها لك احد العاملين في العيادة وجعلتك تشعري بان رسالة مركز تنظيم الاسرة يجب ان تكون هدف حياتك هي “مش قادرة أصدق ان مازال هناك أفراد يريدون السيطرة على النساء واخبارهم ماذا يجيب ان يفعلوا”  .. لما بتخبريها أن أسرتك مسيحية ضد الإجهاض، بتقول لك أن هدف المركز هو تقليل الاجهاض في المقام الاول من خلال إعطاء وسائل التحكم في الحمل، لكن لو حدث الحمل بالخطأ المركز متواجد لمساعدة النساء الراغبات في إجراء عملية إجهاض آمنة .. أول يوم لكي في مركز تنظيم الاسرة فخورة بمهمتك في مساعدة النساء في تقرير مصيرهم ومستقبلهم. عند وصولك لمكان المركز بتفاجئ بتجمعات من المتظاهرين الغاضبين أمام المبنى الرافضين للاجهاض، حاملين لافتات لصور من الاجنة، وبيهاجموا كل من يدخل او يخرج من المبنى، متطوعة اخرى في المركز بتشرح لك ان وظيفتك هتكون مقابلة النساء على مدخل المركز ومحاولة تهدئتهم و تشتيتهم عن المتظاهرين الغاضبين اللى بيكونوا موجودين هنا كل يوم! .. تصبحي ناجحة في عملك وترقى في المناصب الوظيفية في عيادة تنظيم الأسرة. في يوم بيدعوكي الطبيب للمساعدة في عملية إجهاض بيقوم بها، دى المرة الأولى اللى تدخلي غرفة العمليات مع الطبيب، بيطلب منك انك تساعدية بتسليط جهاز الموجات فوق الصوتية على رحم المرأة، بتظهر صورة الجنين على جهاز الموجات فوق الصوتية، الطبيب يحدد عمره 13 أسبوع، الممرضة الاخرى تثبت المريضة جيدا على الطاولة لانها في حالة فزع وهي تهدئها. الطبيب بيستخدم القسطرة الأنبوبية لسحب الجنين، بتفاجئ لما بتشوفي صورة الجنين على الجهاز بتتحرك بعيدا عن القسطرة! .. بتخبرى الطبيب ان الجنين تحرك، بيرد ان هذا يحدث دائما، لكن في الحقيقة الجهاز العصبي لم يتكون بعد فلا يمكن أن يشعر الجنين باى شئ، بيستمر الطبيب في العملية، ويبدأ بشفط الجنين بالقسطرة، تختفي صورتة من الجهاز امامك، وتمتلئ أنبوبة الجهاز بالدماء، تغرق عينيك الدموع، وتندفعي هاربة من الغرفة! .. التجربة وقعها كان شديد الاثر عليكي، وللمرة الأولى بتشوفي نفسك كقاتلة للأطفال وليست ملاك يساعد النساء في تقرير مصيرهم، تغادرى العيادة الى الابد وتنضمى للمتظاهرين الرافضين لعمليات الاجهاض امام مبنى تنظيم الأسرة.

EP28: The Problem of Material Objects أشكالية الكائنات المادية

EP28: The Problem of Material Objects أشكالية الكائنات المادية 

تخيل انك شخص خجول غير محظوظ بالمرة بتشتغل محاسب بسيط فى بنك! كل الناس بتسخر منك، مالكش اى اصدقاء غير زميلك فى الشغل تشارلى والكلب بتاعك مايلو! فى نفس الوقت اللى زعيم العصابة الشرير تايلر اللى بيدير ملهى ليلى فى نفس المدينة بيخطط انه يسرق البنك اللى انت بتشتغل فيه! فى يوم تايلر هيبعت صاحبتة تينا المغنية فى الملهى الليلى للبنك كعميلة علشان تدرس المكان والحراسة للخطة اللى بيرتبها علشان سرقة البنك! فى زيارتها للبنك هتكون جذابة جدا مش هتقدر تقاوم سحر جمالها، هتستغل انجذابك ليها وبرائتك علشان تدرس البنك وحراستة من الداخل! هتعزمك تيجى تزورها فى الكازينو اللى بتشتغل فيه! صديقك تشارلى هيشجعك تروح وتستغل الفرصة، لان يبدو انها معجبة بيك هى كمان! هتستعد بالليل وتلبس احسن ماعندك وتاخد عربيتك الكحيانة  اللى الميكانيكى بتاعك مغلبك ومش عاوز يصلحها لك وتروح على الكازينو! لكن منظرك البسيط وعربيتك القديمة هتخلى حراس الكازينو ما يدخلوكش! هترجع خايب الرجاء بعد ما فشلت فى الدخول، فى طريقك للبيت العربية هتعطل على كوبرى فوق النهر، هتنزل تحاول تصلح العربية لكنك هتفشل، بعد ما تلعن حظك التعس، والميكانيكى اللى اللعين اللى ما صلحش العربية كويس، هتهيألك انك شوفت فى المياة واحد بيغرق، هتنزل تنقذة بسرعة، لكن هتكتشف انه مجرد قناع خشب مرمى فى المياة، هتلعن غبائك اللى خلاك تتصور ان ده انسان، هتاخد القناع معاك وتروح البيت! فى البيت القناع هيثير فضولك فهتجربة، بمجرد انك تحط القناع على وشك هتحس بقوة غريبة بتلزقة فى وشك، فى ثوانى هتتحول لكائن اخضر، فى بدلة بيضاء، جسمك ووشك كله اخضر! هتحس انك شخص مختلف، وكأن كل قواك الداخلية فجأة خرجت للنور! اصبح عندك قدرة غريبة على تغيير نفسك، وعلى تغيير البيئة اللى حواليك  بطريقة كرتونية عجيبة! مابقاش فى حدود بينك وبين المادة المحيطة بيك، بتقدر تتداخل معاها، وتشكلها، وتستغلها فى كل اللى خيالك ممكن يتصورة! هتخرج من شقتك هينط من جيبك منبة بيجرى ويتنتط وعامل دوشة، هطلع من جيبك شاكوش عملاق وتدمر بيه المنبة قبل ما تصحى صاحبة البيت وتشوفك فتصرخ وتبدأ تضرب عليك نار، هتتحول لكرة وتنط فى الهواء فى سيريالية عجيبة قبل ما تكسر الشباك وتنزل فى الشارع! هتطلع على البنك اللى بتشتغل فيه وتسرق كل الفلوس اللى فى الخزنة فى الوقت اللى عصابة تايلر كانت بتستعد للهجوم على البنك هتخرج فى عاصفة من البنك وتدمر الباب الرئيسى قبل ما تضرب كل صفارت الانذار! هيشوفك افرد العصابة وانت خارج من البنك، هيتجمدوا مكانهم من الذهول، قبل ما تهرب انت من المكان، والبوليس يوصل، وتدور معركة بالاسحلة ما بين البولبس وافراد العاصبة اللى ما سرقوش اى حاجة! قدام الكازينو هتقف العربية الفارهة اللى انت راكبها، حاجة مالهاش مثيل! هتنزل من العربية فى قناعك الاخضر، ترمى فلوس على الارض يترمى حوليها كل الناس اللى واقفة فى الصف مستنية تدخل الكازينو، هتدخل بسهولة المرة دى، هتقعد تتفرج على العرض اللى بتقدمة تينا وانت عمال تحول وشك لأشكال كروتنية عجيبة بتعبر بيها عن رغبتك واعجابك بتينا! هتقوم ترقص مع تينا، بترقص ببراعة غير عادية، وسرعة عجيبة، مش قادرة تجاريك فى حركاتك، فى اللحظة اللى هيوصل فيها افراد العصابة للكازينو ويبلغوا تايلر باللى بحصل، تايلر هيغضب ويسأل مين الشخص اللى فى القناع الاخضر اللى عمل كده، فى اللحظة اللى هيتعرف عليك احد افراد العصابة وانت بترقص مع تينا، هينزلوا ويبدأ يضربوا عليك رصاص، لكنك جسمك مرن زى المطاط، بتشكلة فى انسيابية عجيبة وتتفادى طلقات الرصاص، فجأة هتيجى فيك رصاصة، ويتقطع جزء من البدلة بتاعتك اللى هيتحول لجزء من بجامة النوم اللى كانت لابسها قبل ما تلبس القناع! هتتظاهر انك مت وتخدع افراد العصابة، قبل ما تضربهم وتهرب من الكازينو ويوصل البوليس علشان يقبض عليهم! تانى يوم ظابط البوليس هيجى يزور شقتك بسبب البلاغ اللى قدمتة صاحبة البيت عن الكائن الاخصر العجيب اللى هاجمها ليلة امبارح، وكمان علشان حادثة سرقة البنك، ظابط البوليس هيشك فيك لما هيشوف البيجاما اللى انت لابسها ناقصة نفس القطعة اللى لاقوها مقطوعة فى الكازينو! هتهرب من المكان قبل ما يقبضوا عليك، هتروح تزور عالم اثار متخصص فى الاقنعة هيقولك ان القناع صورة من لوكى اله الظلام فى الاساطير الاسكندنافية القديمة! فى الليلة دى هتلبس القناع وتتحول للكائن الاخضر العجيب مرة تانية، هتروح تقابل تينا فى الحديقة، البوليس هيهاجمك ويحاول يقبض عليك، لكنك هتهرب بعد ما تخدع البوليس بعرض غنائى مضحك! هتخلع القناع وتحكى لصحفية عن القصة بتاعتك بعد ما توعدك انها هتساعدك، لكنها هتخدعك وتحكى لتايلر عن قصة القناع مقابل مبلغ كبير من الفلوس، وهتستدرك لمكان هتتفق مع تايلرعليه، اللى هيحاصرك وياخد القناع منك! تايلر هيلبس القناع ويتحول لوحش اخضر بشع الوجه، هتسلم تايلر الفلوس، وهيرميك مع قناع اخضر مصطنع قدان قسم البوليس علشان يلبسك التهمة! تينا هتزورك فى الحبس، وتقول لك انها كانت عارفة انك انت الكائن الاخضر طول الوقت، هتطب منها انها تسيب المدينة لان تايلر بيخطط لعمل اجرامى كبير، تايلر هيقبض عليها قبل ما تهرب من المدينة! مايلو الكلب بتاعك هيساعدك انك تهرب من السجن، وتروح للحفلة الكبيرة اللى عمالها تايلر وفيها كبار البلد، فى الحفلة تينا هتشوفك وتساعدك بالدلع والدلال على تايلر انها تسرق القناع، وتهرب من تايلر، باقى افراد العصابة هيهاجموا تينا اللى هتحدف القناع فهيقع على الارض، ويلبسة الكلب بتاعك مايلو اللى هيتحول فى لحظة لكلب اخضر ضخم شرس ماحدش من افراد العصابة هيقدر يقرب منه! هيوصلك القناع هتلبسة وتتحول للكائن الاخضر العجيب بعد معركة شرسة بينك وبين افراد العصابة، هتبلع القنبلة اللى كان محضرها تايلر لتفجير المدينة وتفجرها فى بطنك اللى هتتمدد بكرتونية غريبة، وترجع زى ماكنت! هتنقذ تينا، وتقدم تايلر للعدالة! لكنك هتقرر تتخلص من القناع بسبب القوة العجيبة اللى فيه لو وقعت فى ايد الشخص الغلط! هتروح انت وتينا وتشارلى صديقك، والكلب مايلو لنفس المكان على الكوبرى اللى لقيت عندى القناع، تينا هتاخد القناع وترمية فى المياة، وتحتفلوا بانتصاركوا وتحرركوا من سطوة القناع، قبل ما تشوف تشارلى صاحبك بينط فى المياة علشان يجيب القناع لنفسة، لكن كان متأخر لان كلبك مايلو كان اخد القناع وبيعوم بيه للشاطئ علشان يبدأ مغامرة خضراء يحقق فيها احلامة الدفينة!