EP52: Scientific Realism الواقعية العلمية

تخيلي انك فتاة في العشرينات من عمرها، سافرتي مع صديقك للدراسة في تيوان. صديقك اللى خدعك وكان بيعمل مع عصابة تيوانية لتهريب الادوية والمخدرات المحذورة، وارسل معاكى حقيبة بها عقار أصطناعي عالي القيمة اسمة CPH4. لم بتوصلي تيوان بتقبض عليك العصابة وبيقتلوا صديقك، ويجبروكي على ابتلاع كيس المخدرات بالقوة انتى وثلاث افراد اخرى علشان تنقلوا الدواء للبيع في أوروبا. العصابة بترسل الافراد الثلاثة الاخرين ويحتجزوكي، احد الخاطفين بيحاول الاعتداء عليكي، وانتى بتقاومية بيركلك في بطنك فبيدمر كيس الدواء اللى في بطنك وبتنساب المخدرات في منظومتك الحيوية. لما بتفوقي من الغيبوبة اللى اصابتك بعد الصدمة، بتشعرى بأحساس غريب، وكأنك على ادراك ووعي بكل شئ حواليكي، قادرة على الاحساس بالذرات، الالكترونات، والموجات، مدركها وكأنها كائنات مرئية بالنسبة لك! .. بتسمعي افكار الخاطفين في عقولهم خارج الزنزانة، بتقدرى تأثرى على أفكارهم، وتتحكمى فى أفكار واحد منهم علشان يدخل الزنزانة، لم بيقترب منك، فأجزاء من الثانية بتلكمية وتفقدية الوعي، قدرتك الجسدية أصبحت ايضا غير عادية. بتخرجي من الحبس، في مستشفي عام بيستخرج الاطباء كيس المخدرات من بطنك، وبيخبروكي ان العقار في الكيس مكون من مادة عادة ما بتستخدم في مساعدة تطوير الاجنة قبل الولادة، ولها آثار جانبية مدمرة، بترجعي لموقع العصابة بتستخدمي قواتك الجسدية الخارقة لقتل أفراد العصابة حتى تصلي لرئيس العصابة، بتسيطري علية وبمجرد لمس جبهتة بتقدرى تشوفي شبكة دماغة العصبية وتقرأى كافة المعلومات المسجلة ما بين النيورونات، بتنتزعي مكان سفر الافراد الثلاثة الاخرين الحاملين للعقار. في شقتك بتبحثى عن حالتك حتى تصلى لعالم وطبيب معروف البروفيسور نورمان له أبحاث متعلقة بمد قدرات المخ البشرى لادراك الواقع بصورة اكبر والتحكم فية، بتتصلى بيه، وتشرحى له قدراتك الجسدية الجديدة وان ابحاثة عن ان البشر لاتستخدم سوى 10% فقط من قدرات مخها حقيقية، لانها بالفعل تشعر بأنها تستخدم اكثر من تلك القدرة الان. وتثبتى لخ من خلال التحكم في أجهزة منزلة الالكترونية عن طريق التحكم في الموجات الكهرومغناطيسية عن بعد! ..بتبدأي في تعقب الافراد الثلاثة الاخرين الحاملين للعقار، بيساعدك ضابط شرطة فرنسي، بتتناولي المزيد من العقار فتزداد قدرات جسدك الخارقة، اصبحت كل خلية قادرة على الاستدامة الذاتية ولاتحتاج باقي الخلايا! جسمك بيتفتت لجزيئات صغيرة لكنك بتتناولي المزيد من العقار اللى بيساعدك على التحكم في جزيئات جسمك واعادة تكوينة مرة أخرى! العصابة بتسبقك للافراد الاخرين، لكنك بتصلى اليهم وبيستعدوا للهجوم عليكي، لكنك بتتحكمي في خلايا جسمهم عن بعد وتشلي حركتهم بقدراتك الغير عادية، وتاخذى باقي العقار منهم! بعد ما بتجمعي العقار بتذهبي لمقابلة البروفيسور نورمان، بتشرحلي حاللتك وقدراتك .. اللى بيخبرك ان الهدف من الحياة هو نقل المعرفة، بداية من الحامض النووى حتى المجتمعات البشرية المتطورة، بتطلبى منة يحقنك بباقي العقار حتى تصلي لحالة تحكم كامل في قدراتك العقلية، بعد ما تأخذى الجرعة الباقية من العقار، بترتفع وظائف الدماغ لديك، يبدأ جسمك في التحول لمادة سوداء وتصبحي قادرة على الاستفادة من جميع أشكال الطاقة المحيطة بيكي، بتقدرى تسافرى في الزمن، وتندمجى مع الكون! لما بيسأل الضابط عن مكانك بترسلي له رسالة نصية على تليفونة “أنا في كل مكان” .

EP35: The Problem of Truth إشكالية الحقيقة

EP35: The Problem of Truth إشكالية الحقيقة

تخيل أنك كاتب مشهور.. كتاباتك فى كل مكان، ومبيعاتك من اعلى المبيعات، أسمك من ألمع الاسماء فى الدوائر الثقافية والادبية، الشغل كل حياتك، غرقان فى بحور الخيال مابين شخصياتك وازمنتك الخيالية، نسيت أهم انسان فى حياتك، مراتك .. يوم بعد يوم الفجوة ما بينكوا بتزيد، بقيت غريب عنها، انسان بجسمك، شبح بروحك. فى خصم الحياة بتفوق للمرة الاولى على كارثة بتهز كيانك، بتكتشف خيانة زوجتك، بتضبطها فى فندق فى أحضان عشيقها، بتدخل عليهم فى لحظة وضاعة وضعف، بترفع مسدسك الفاضى فى وشهم وهما بيحاولوا يداروا عورتهم. بتصرخ فيها بجنون وعقلك مشلول فى لحظة انت نفسك مش عارف ان كانت حقيقة ولا خيال. شهور مرت من لحظة اكتشافك خيانة الانسانة اللى كنت فاكرها نصك التانى، انعزلت بعدت عن العالم وانزويت فى الكابينة بتاعتك انت والكلب بتاعك صديق الوفى فى وسط الغابة بعيد عنها وعن الناس، سيبت لها البيت، بترتب اجراءات الطلاق علشان تكون مع عيشقها، بعت لك اوراق الطلاق من اسابيع، حاسس بالغدر والخيانة، الوقت بيمر ببطئ حواليك، بتتجنب تليفونتها المستمرة، بتحاول تجمع شتات روحك اللى دمرتها الخاينة بجريمتها. بتصح من قيلولة فى وسط النهار على صوت خبط على الباب، بتفتح الباب على شخص طويل لابسة قبعة فلاحي الجنوب الامريكى، هيعرفك بنفسه “جون شوتر” وهيتهمك بلهجتة الجنوبية الثقيلة انك سرقت قصتة من سنين ونشرتها بأسمك! هتهمة بالجنون وتطلب منه انه يسبيك فى حالك، هيديك نسخة من روايتة ويطلب منك انك تقراها، وانه هيزورك تانى قريب. بالليل من الملل بتتصفح اوراق قصة شوتر، مذهول من الصدمة بتفر فى الورق، التشابهة مخيف بين قصتة وقصتك، النهاية هى الفرق الوحيد. مش هيمر وقت كبير قبل ما يظهر شوتر تانى على باب الكابينة، هتفهمة ان قصتك اتنشرت قبل التاريخ المكتوب على قصتة بسنين وان كان فى سارق فهو السارق، هيتحداك انك تجيب نسخة من المجلة اللى منشوره فيها قصتك، هترفض التحدى هيهدك وينفذ اول انذار له فى نفس الليله، هتصحى من النوم على صوت الكلب بتاعك بينبح برة الكابينة قبل الصمت المطبق، هتسلح نفسك بعصاية وتخرج فى حذر تشوف ايه اللى برة الكابينة، قبل ما تتصدم بمنظر جثة الكلب بتاعك غرقان فى دمائة! هتطلب الشرطة فى وانت بتصرخ فى هيستريا، لكن مش هيمر كتير قبل ما يظهر شوتر تانى، هيقابلك وانت بتتمشى فى الغابة زى عادتك كل يوم، هيطلب منك انك اما تجيب النسخة الاصلية من المجلة، او تغير نهاية قصتك علشان تكون زى قصتة الاصلية اللى انت سرقتها حسب كلامة، فى قصتة الزوج بيقتل زوجتة الخاينة ومابيسبهاش تعيش زى نهاية روايتك، هيعدى جارك عليكوا وانتوا بتتكلموا هيسلم عليك من بعيد. لما هترجع الكابينة هتقرر تتصل بالمحقق الخاص بتاعك هتحكيلة تفاصيل اللى حصل وان جارك شافك وانت بتتكلم مع شوتر، هيقلك انه هيتصل بجارك و هيجى يراقب الكابينة علشان لما شوتر يظهر يخوفة، فى اليوم التانى مراتك هتتصل بيك، وتقولك ان بيتكوا اتحرق على يد مجهول وان الشرطة بتحقق فى الحادثة. هتتأكد ان شوتر مش هيقف الا لو جبتلة المجلة اللى فيها قصتك او تغير النهاية، هتكلم دار النشر اللى نشرت المجلة وتطلب منهم نسخة بالبريد السريع، فى اليوم التانى المحقق الخاص بتاعك هيتصل بيك ويقول انه كلم جار اللى انكر انه شافك مع شوتر، هتتفقوا تتقابل انت وهو وجارك علشان تفكرة بالموقف، هتروح عليك نومة قبل الميعاد فى واحدة من غيبوبات قيلولة النهار اللى بقيت متعود عليها من ساعة الحادثة، هتحاول تروح بسرعة لمكان اللقاء المتفق علية، هتشوف عربية المحقق الخاص فى وسط الاشجار هتقرب فى حذر منها قبل ما تشوفة مقتول هو وجارك فى العربية، هتفقد الوعى فى مكانك قبل ما تفوق على شوتر بيفوقك ويقول لك، ان انت السبب فى مقتلهم لانك اقحمتهم فى مسار الاحداث، وانه قتلهم بنفس المفك بتاعك اللى قتل بيه الكلب، ومن مصلحتك انك تتخلص من جثثهم، هتقول له انك بعت فى طلب نسخة المجلة من الناشر وانك هتثبت له ان هو السارق. هيتفق معاك ان هيقابلك بكرة فى الكابينة علشان يشوف المجلة. لما هتستلم المجلة من البريد هتلاقى الصفحة اللى فيها قصتك مقطوعة، هتتأكد ان شوتر هو اللى قطعها علشان ما تقدر تثبت الحقيقة، قدام كابينتك هتلاقية ساب القبعة بتاعتك علشان يفكرك بميعادكوا، هتدخل الكابينة تقف قدام المراية وتلبس قبعة شوتر، هتتأمل صورتك فى المراية، هتسمع صوتك بيقول “ايه اللى خلاك تلبسها” ..  هترد على نفسك وايه المانع .. هتسمع صوتك بيقول “يمكن شوتر عاوزك تتلخبط، وتتجاهل كل التفاصيل، وتشوف اللى انت عاوز تشوفة بس” .. هترد على نفسك “والجرح اللى فى دراعى منه” .. هتسمع صوتك “اى جرح؟” هتشمر دراعك مش هتلاقى جرح. هتفوق من ذهولك على صوتك بيتردد “اطلب البوليس وبلغ عن نفسك قبل ما تأذى اى حد برئ تانى” .. صداع، عقلك مشلول، بتزعق “انا ما قتلتش حد” .. صوتك بيتردد ” كان معاك مسدس فى الفندق لما ظبتهم” .. بتصرخ ” كان مسدس فاضى”.. صوتك بيتردد “مافيش جون شوتر، انت اللى اخترعتة” .. شرخ بيصدع فى كيانك لأول مرة بتواجة الحقيقة .. زوجتك هتقرر انها تيجيلك الكابينة علشان تمضى اوراق الطلاق، لما هتدخل الكابينة هتلاقية متدمرة اسم شوتر مكتوب على كل الحيطان! هتقف قدامها لابس قبعة شوتر، من الرعب والدهشة هتجرى برة الكابينة لانها عارفة مصيرها، هتمشى وراها بهدوء، وتشوفها وهى بتحاول تركب عربيتها وتهرب، قبل ما توصل للعربية وتسحبها بعنف براها، هتجرها من شعرها لكابينة هتحاول تهرب منك هتضربها بالمفك فى رجلها هتصرخ وهى بتزحف للجنيتة اللى ورا الكابينة، هتاخد الجاروف وتتبع خيط دمها فى الية، هتسمع صوت عربية قدام الكابينة قبل ما ما تسمع صوت عشيقها بيندة عليها، هتصرخ تنادية، هتستناة وراء باب الكابينة فى الحديقة الخلفية، اول مايدخل هتضربة بالجاروف، وتحز رقبتة على الارض وصوت صراختها بيتبدد فى صمت الغابة، قبل ما تقتلها هى كمان، وتندفن جثتهم الاتنين فى حديقة الكابينة تحت حقول الذرة. هتعدى شهور الشرطة عارفة انك انت وراء اختفاء مراتك هى وعشيقها لكن مش قادرين يلاقوا الجثث او خيط يدلهم على الحقيقة، هيعدى عليك مأور المدينة ويطلب منك انك ما تجيش القرية المجاورة للكابينة لانك بترعب السكان، وانه عارف انك انت اللى قتلتها ومسألة وقت قبل ما يقبض عليك، هتقول له قبل ما يمشى “عارف أهم حاجة فى القصة النهاية، ونهاية القصة دى جيدة جدا، النهاية دى ممتازة!” قبل ما تاكل حبات الذرة وانت بترمق الحديقة الخلفية بجنب عينيك!